Kjallarinn.net

Grasrótin ræðir málin
RSS icon Email icon Home icon
  • Hvernig á að þróa Bootstrap 3 Snjallvef með WordPress Thema?

    Posted on October 31st, 2014 Þrándur No comments

    Ég var loksins að koma fyrsta udemy video námskeiði mínu í loftið – og nú þegar kominn með 5 fimm stjörnu umsagnir!

    Bootstrap3Wordpress

    Responsive Bootstrap 3 WordPress Theme – From Scratch!
    Watch me Develop a Custom Responsive WordPress Theme from Scratch using Bootstrap 3 and FREE tools -> YOU BECOME EXPERT!

    Hér eru nokkur video sem gefa hugmynd um hvað námskeiðið fjallar:

     

    Smelltu hér til að fá námskeiðið með 50% afslætti – aðeins 27 USD!

    screenshot

     

     

  • “Erlendir ferðamenn í vandræðum”

    Posted on June 14th, 2013 Þrándur No comments

    Kannast þú við fréttir sem byrja á þessum orðum?

    Nú er kominn út bæklingur á ensku sem ætti að gagnast erlendum ferðamönnum sem ferðast um Ísland á jeppa.

    Upplagt að benda erlendum vinum á þennan bækling:

    Iceland Offroad

    Bæklingurinn er gefinn út af 4x4OffRoads.com og er ókeypis. Þarna er að finna leiðbeiningar um helstu hættur sem ber að varast við ferðalög um hálendi Íslands auk upplýsinga um hvar hægt er að fá aðstoð og leiðbeiningar.

    iceland-offroad

  • Skjaldborg heimilanna? Ræða Lilju Mósesdóttur

    Posted on March 14th, 2013 Þrándur No comments

    Lilja Mósesdóttir er ekkert að skafa utan af hlutunum!

    Það er kannski ekki skrítið að fylgi stjórnarflokkanna er svona lítið. Þeir gáfu loforð um “Skjaldborg heimilanna” og hafa allt frá því unnið markvisst að því að brjóta niður varnir heimilanna og halda vörð um bankana. Sjálfsagt hefði þurft hugrekki – en líka vilja.

    Lilja Mósesdóttir (U):
    Virðulegi forseti. Allt frá því að við hv. þm. Atli Gíslason yfirgáfum þingflokk Vinstri grænna hef ég ekki getað treyst mér til að styðja þessa ríkisstjórn Samfylkingar og VG. Ástæðan er hagsmunagæsla ríkisstjórnarinnar í þágu fjármagnseigenda og AGS. Hagsmunagæslan er þvert á loforð stjórnarflokkanna um skjaldborg heimilanna, norrænt velferðarsamfélag og að byrðum fjármálakreppunnar yrði dreift með sanngirni, jöfnuð og réttlæti að leiðarljósi.
    Hin svokallaða norræna vinstri stjórn lagði metnað sinn í að skera hratt niður velferðina fyrir vexti, og AGS mærði hana fyrir dugnaðinn við niðurskurðinn. Ríkisstjórnin samþykkti Icesave-samning sem átti að kosta skattgreiðendur um hálf fjárlög til þess eins að endurreisa orðspor Íslands á alþjóðlegum vettvangi, eins og það hét. Aldrei var neinn vilji til að standa við loforðið um skjaldborg heimilanna og varnarlausum heimilum var vísað á dómstóla til að ná fram rétti sínum.
    Afleiðingarnar birtast nú í neyðarkalli frá skuldsettum heimilum sem hafa mátt þola gífurlega eignatilfærslu vegna verðtryggingarinnar og greiðsluerfiðleika eftir að hafa kastað séreignarlífeyrissparnaðinum á skuldabálið. Heilbrigðiskerfið og vegakerfið okkar getur ekki lengur tryggt öryggi sjúklinga og vegfarenda vegna of mikils niðurskurðar eftir hrun. Bankakerfið var endurreist og bönkunum gefið veiðileyfi á almenning til að tryggja hrægammasjóðum arðgreiðslur og góðar endurheimtur á kröfum sínum.
    Virðulegi forseti. Það var von mín og margra annarra sem tóku þátt í búsáhaldabyltingunni að hrunið mundi tryggja völd flokka sem notuðu fjárlögin markvisst til að draga úr efnahagsáfallinu, draga úr misskiptingu og til að forgangsraða í þágu velferðar. Það varð ekki niðurstaðan því að hin svokallaða norræna velferðarstjórn hafði ekki hugrekki til að snúa af braut nýfrjálshyggjulausna til hagsbóta fyrir fjármagnseigendur.
    Fjármálakreppan varð því ekki til þess að skerpa hinar pólitísku línur, heldur afhjúpaði þvert á móti að í reynd er enginn pólitískur munur á hinum svokölluðu vinstri og hægri flokkum í landinu. Norræna velferðarkerfinu og réttlátri skiptingu byrða kreppunnar var fórnað fyrir valdastóla og velþóknun AGS og vogunarsjóða.
    Fylgishrun blasir við stjórnarflokkunum og vandséð að kjósendur muni nokkurn tíma treysta aftur svokölluðum vinstri flokkum til að stjórna landinu. Afleiðingarnar eru örvænting, ráðaleysi og upplausn í samfélaginu, ekki síst meðal þeirra sem treystu best hinum svokölluðu vinstri flokkum í síðustu kosningum til að leiðrétta forsendubrest, tryggja réttlæti og auka jöfnuð.
    Virðulegi forseti. Ég studdi vantrauststillögu á ríkisstjórnina vorið 2011 þar sem mér var þá orðið ljóst að hún mundi aldrei storka fjármagnseigendum með almennri skuldaleiðréttingu. Stjórnin hélt velli en hefur þurft á að halda stuðningi Hreyfingarinnar frá áramótum 2011/2012. Stuðningurinn var keyptur með loforði um samþykkt nýrrar stjórnarskrár. (Gripið fram í: Farðu nú rétt með.) Nú hefur utankjörfundaratkvæðagreiðsla hafist og við erum að greiða atkvæði um vantrauststillögu hv. þingmanns Hreyfingarinnar. Ástæðan er svik ríkisstjórnarinnar við Hreyfinguna í stjórnarskrármálinu.
    Frú forseti. Ég hef ekki stutt þessa ríkisstjórn síðustu tvö árin af annarri ástæðu. Ástæðan er hagsmunagæsla ríkisstjórnarinnar í þágu fjármagnseigenda sem leitt hefur til aukinnar misskiptingar, sundrungar og örvæntingar hjá öllum þeim sem ná ekki lengur endum saman

  • Áhugamenn um utanvegaakstur

    Posted on February 25th, 2013 Þrándur 4 comments

    Guðmundur Andri Thorsson rithöfundur og áhugamaður um rétta setningarfræði skrifar athyglisverða grein í Fréttablaðið í morgun. Oft hittir Guðmundur á áhugaverð mál og stundum er ég sammála honum. Í þessu tilviki missir hann þó marks. Fyrsta setningin gefur tóninn:

    Þúsundir Íslendinga hafa ritað nöfn sín á mótmæli gegn nýjum náttúruverndarlögum og hafa áhugamenn um utanvegaakstur þar látið mikið að sér kveða.

    Það er alveg hárrétt hjá Guðmundi að þúsundir Íslendinga hafa ritað mótmæli gegn nýjum náttúruverndarlögum. Nánar tiltekið er fjöldinn kominn yfir 16 þúsund manns. Ekki það að fjöldi þeirra sem hafa ákveðna skoðun geri hana réttari eða ekki, en samt gefur þetta ákveðna vísbendingu, sérstaklega í lýðræðisríki.

    Seinni helmingur setningarinnar tengir andstöðuna við “áhugamenn um utanvegaakstur”. Þetta er hópur sem ég hefði haldið að væri afar smár, þar sem utanvegaakstur er jú bannaður samkvæmt núgildandi lögum! Miklu nærtækara er að telja upp þá sem hafa sent inn athugasemdir og skilgreina hópinn svona:

    • Samband íslenskra sveitarfélaga
    • Landssamband veiðifélaga
    • Skógræktarfélag Borgarfjarðar
    • Landssamband landeigenda á Íslandi
    • Norðurþing
    • Skógræktarfélag Íslands
    • Skógrækt ríkisins
    • Ferðaklúbburinn 4×4

    Það er eins og Guðmundur hafi ekki kynnt sér innihald nýju laganna eða þau atriði sem bent hefur verið á að betur megi fara. Ferdafrelsi.is telur upp fjölmörg atriði:

    Almennar umsagnir um frumvarpið eru m.a. að

    • útivistarhópum er mismunað eftir ferðamáta
    • ekki er tekið tillit til hópa eins og fatlaðra, aldraðra eða fólks með ung börn sem ekki geta vegna aðstæðna sinna farið um hálendið fótgangandi
    • ráðherra og Umhverfisstofnun er falið óhóflegt vald til banna og boða eftir eigin geðþótta
    • skilgreiningar á hugtökum eru óljósar og aðrar vantar
    • ýmis ákvæði eru óframkvæmanleg, þannig að frá byrjun verður ómögulegt að framfylgja lögunum
    • ef rýnt er í þrönga skilgreining höfunda frumvarpsins á hugtakinu útivist sést að hún á aðeins við um för og dvöl úti undir beru lofti í náinni snertingu við landið sem farið er um. Ljóst má vera að höfundarnir telja ferðalög á fjórhjólum, mótorhjólum og vélsleðum ekki til útivistar þótt undir beru lofti sé og upplifun af náttúrunni hjá þeim hópi sé síst minna virði en upplifun annarra. Þá mætti einnig ætla að nefndin líti ekki á það sem hluta af útivist þegar ferðamenn fara akandi á einhvern tiltekinn stað á hálendi Íslands, að ökuferðin sé ekki hluti útivistarinnar, jafnvel þótt áð sé við fallega staði á leiðinni og þeirra notið um leið og teygt er úr sér, eða farið í göngu-, hjóla- eða veiðiferðir út frá áningastað. Andi laganna einkennist mjög sterklega af þessum skoðunum höfundanna

    Eins og sjá má fjalla megin athugasemdirnar meira um innihald laganna, valdmörk ráðherra og stofnana ásamt vinnsluferlinu.

    Guðmundur heldur áfram:

    Jeppafjallamenn eru vissulega upp til hópa miklir náttúruunnendur og hafa áhyggjur af því að fá ekki að njóta hennar að vild og myndu aldrei rótast á viðkvæmum svæðum: en þeir hugsa málið út frá sjálfum sér.

    Er það rangt að hugsa málið út frá sjálfum sér? Er rangt að hugsa málið út frá hagsmunum afkomenda? Er það rangt að hugsa málið út frá börnum og gamalmennum ásamt fötluðum? Er það rangt að hugsa málið út frá þeim hópi fólks sem hefur notið náttúrunnar og hefur þar mesta reynslu og þekkingu?

    Eftir þessar setningar fer Guðmundur síðan að fjalla um setningarfræði. Þar er hann greinilega á heimavelli – en ég ekki. Ég verð að játa að eftir það skil ég hvorki upp né niður í því hvað hann er að meina.

    Stóra málið er að við vinnslu þessa frumvarps var kastað til höndum og ekki hlustað á raddir stórs hóps áhugafólks um náttúru Íslands. Það gilti um “Hvítbók”, stofnun þjóðgarðs í Vatnajökulssvæðinu og nú um þessi nýju lög.

  • Nýju Jólasveinarnir

    Posted on December 19th, 2012 Þrándur No comments

    jolasveinar

    Hér eru nokkrar hugmyndir um nöfn á nýju jólasveinana. Eins og staðan er í dag er af nógu að taka :)

     

  • Peningakerfið

    Posted on December 7th, 2012 Þrándur No comments

    Þegar kreppan skall á var ljóst að peningakerfi heimsins var að stórum hluta um að kenna.

    Átakið “Betra peningakerfi”  er athyglisverð tilraun til að koma skynsamara kerfi á laggirnar. Nú hefur Lilja Mósesdóttir lagt fram frumvarp á Alþingi sem byggir á þeim hugmyndum.

    Það verður fróðlegt að fylgjast með hvernig þetta gengur og erlendis hafa menn líka mikinn áhuga.

    Íslenska hagkerfið er svo lítið og afmarkað frá heiminum að það ætti að henta vel fyrir tilraunir í þessa veru.

    Orsök óstöðugleika og skuldasöfnunar er að finna í peningakerfinu. Hér eru gallar brotaforðakerfisins útskýrðir og hvernig má leysa vandann með því að taka upp heildarforðakerfi.

  • Leiðum lokað

    Posted on December 6th, 2012 Þrándur No comments

    Eins og þeir vita sem ferðast um hálendið er þar víða fagurt um að litast. Miklar auðnir, fjöll og landslag sem fátt jafnast á við. Á nokkrum svæðum eru gönguskórnir einu hjálpartækin sem hægt er að nota til að komast um. Á öðrum svæðum er jeppinn mun hentugra tæki.

    Stofnun þjóðgarðs við Vatnajökul hefur verið hið besta mál að flestra mati. Eitt af markmiðum með stofnun garðsins var að opna aðgengi almennings að þessu mikilfenglega svæði.

    Þó eru þar tvær leiðir sem af einhverjum óskiljanlegum ástæðum hefur verið ákveðið að loka fyrir bílaumferð.

    Þetta eru leiðirnar: Vikrafellsleið, sem liggur norðan við Dyngjufjöll og Öskju og Vonarskarð sem er forn þjóðleið við norðvesturhorn Vatnajökuls.

    Í þessu myndbandi er flogið yfir þessar tvær leiðir og má þá glöggt sjá hvernig landið lítur út og hversu lítil áhrif margra áratuga umferð jeppa um þessar leiðir hefur haft.

    Því miður virðist sem svo að hafi leiðum verið lokað á annað borð sé erfitt að fá þær opnaðar aftur.

    Vikrafellsleið liggur um hraun og hverfur nánast alveg eftir hvern vetur. Þar eru engar hættur á gróðurskemmdum eða öðrum skemmdum – á sama tíma er svæðið nánast útilokað til göngu þar sem þar er ekki vatnsdropa að fá svo tugum kílómetra skiptir!

    Vissulega er viðkvæmt land í Snapadal við hlið leiðarinnar um Vonarskarð. Þar gæti verið ástæða til að banna umferð bíla og jafnvel líka gangandi fólks. En jafnframt ætti að vera auðvelt að færa slóðina lengra frá dalnum án þess að það komi að sök. Með lokun leiðarinnar fyrir jeppum þurfa göngumenn sem vilja ganga hana að láta trússbílinni keyra 100 km. leið!

    Ég mæli með að þú horfir á þetta myndband og metir hvort ekki sé full ástæða til að opna þessar leiðir.

    Þó ekki væri til annars er að njóta þessa landslags með einu aðferðinni sem hægt er.

  • Nordic Innovation – fimmta tölublað komið út

    Posted on November 2nd, 2012 Þrándur No comments

    Að þessu sinni er þemað: “THE VALUE OF INNOVATION” eða “GILDI NÝSKÖPUNAR”

    Nordic Innovation er fréttabréf á netinu sem fjallar um frumkvöðlafyrirtæki, nýsköpun og hönnun á Norðurlöndum. Blaðið er á ensku og er ætlað að varpa ljósi á allskonar áhugaverða nýsköpun sem á sér stað innan frumkvöðlafyrirtækja og annarra fyrirtækja í okkar heimshluta.

    Í blaðinu eru nokkrar áhugaverðar greinar:

    • Interviews – The Value of Innovation
    • Startup Geothermal Iceland: Geothermal Incubation
    • Silicon Vikings – Connecting the Nordics and Silicon Valley
    • Reykjavikconcierge – VIP Culture and Design Tour Iceland
    • Kreanord – Venture Capital for Nordic Creative Industries
    • Og fleira…

    Nordic Innovation er gefið út af Klak – Nýsköpunarmiðstöð atvinnulífsins, sem er í samstarfi við mörg lykilfyrirtæki á þessu sviði.

    Það er sérstaklega áhugavert að heyra hvað Brian Singerman frá Founders Fund hefur að segja. Þeir voru þeir fyrstu sem fjárfestu í Facebook og líta fjárfestingar í nýsköpun mjög áhugaverðum augum.

    Heyrum hvað Brian segir:

    We at Founders Fund are also very different in how we trust our founders. We will live and die by how good they are, and never force them out of their positions like other VC firms will.

    Brian Singerman (Founders Fund).

     

    Nordic Innovation – segir okkur áhugaverðar sögur af hönnun, nýsköpun og frumkvöðlastarfi.

    Skoðaðu nýjasta eintakið hér: www.nordicinnovation.is

  • Utanvegaakstur

    Posted on May 23rd, 2012 Þrándur No comments

    Mikið hefur verið rætt um utanvegaakstur í fjölmiðlum að undanförnu. Því miður er þar oft á tíðum rætt um málin af “yfirgripsmikilli vanþekkingu” eða af einhverjum sérkennilegum hvötum.

    Guðmundur Hörður Guðmundsson formaður Landverndar skrifar til dæmis í blogg sitt á DV þessa færslu:
    http://www.dv.is/blogg/gudmundur-hordur/2012/5/22/haettu-malthofi-i-skiptum-fyrir-utanvegaakstur/

    Við skulum nú rýna aðeins í þessa færslu.

    Færslan hefst á þessari málsgrein:

    Fréttastofa Rúv sagði í kvöld frá skemmdum á náttúru Íslands vegna aksturs utan vega á leiðinni upp í Herðubreiðarlindir. Í sama fréttatímasagði Rúv frá því að þingmenn Sjálfstæðisflokks og Framsóknarflokks hefðu í dag samþykkt að hætta málþófi um þjóðaratkvæðagreiðslu um stjórnarskrá með því skilyrði að frumvarp til laga um náttúruvernd yrði tekið af dagskrá þingsins og vísað aftur í nefnd.

    Það er nú vægast sagt undarlegt að tengja saman þessi óskyldu mál með þessum hætti og maður hlýtur að spyrja sig hvert markmiðið er.

    En skoðum næstu málsgrein:

    Nú vill svo til að markmið þessa frumvarps er einmitt að draga úr skemmdum á náttúru Íslands af völdum utanvegaaksturs með því að skerpa reglur um slíkan akstur, skilgreina betur hvað telst akstur utan vega og eyða óvissu um akstursleiðir sem heimilt er að aka.

    Hér er talað um markmið frumvarpsins og þau sögð draga úr skemmdum á náttúru Íslands. Gott og vel, markmiðið er nokkuð sem allflestir hljóta að vera sammála um. Hvort frumvarpið er í raun betra en núgildandi reglur er ekki augljóst.

    Frumvarpið fjallar meðal annars um slóða um hálendi Íslands. Félagsmenn í Ferðaklúbbnum 4×4 hafa gríðarlega þekkingu á þessum leiðum og hafa félagsmenn verið óþreytandi við að safna gögnum um þessa slóða. Ferðaklúbburinn hefur líka unnið mikið að fræðslumálum um góða siði ásamt því að stika leiðir sem geta verið villugjarnar og óljósar.

    Ferðaklúbburinn 4×4 hefur viljað vinna að þessum málum með stjórnvöldum á hverjum tíma. Nú þegar stjórnvöld lýsa því yfir að þau séu hlynnt “samræðustjórnmálum” bregður svo við að samstarf um þessi mál eru í mýflugumynd.

    Höldum áfram…:

    Akstur utan vega virðist vera vaxandi vandamál. Fjöldi frétta af alvarlegum afleiðingum utanvegaaksturs bendir til þess, m.a. nýleg frétt Morgunblaðsins um akstur utan vega á hálendinu norðan Vatnajökuls. Það er því rík þörf á að náttúruverndarlögum verði breytt í þá veru að hægt verði að takast á við þessa ógn við íslenska náttúru.

    Hér fer nú aðeins að vandast málið.

    Er akstur utan vega “vaxandi vandamál”? Er fjöldi frétta einhver mælikvarði sem hægt er að byggja á? Er víst að náttúruverndarlög séu ekki nógu skýr? Er þetta ógn við íslenska náttúru?

    Hvaða rannsóknir styðja þessar fullyrðingar?

    Ef við horfum 30 ár aftur í tímann er ljóst að fjöldi jeppa í eigu landsmanna hefur aukist mikið. Á sama tíma held ég að skilningur jeppamanna á góðri umgengni um landið sé betri en var.

    Umferð um hálendið hefur auk þess aukist margfalt með auknum ferðamannafjölda til Íslands.

    Síðan endar Guðmundur á því að tengja þessi mál enn og aftur við umræðu á þingi:

    Þingmenn Sjálfstæðisflokks og Framsóknarflokks þurfa því að útskýra hvers vegna þeir lögðu svo ríka áherslu á að koma í veg fyrir að einmitt slíkt frumvarp yrði samþykkt á Alþingi.

    Það eru í gildi lög sem banna utanvegaakstur nema á frosinni jörð og snævi þakinni. Þau eru einföld og ætti að vera auðvelt að fygjast með brotum.

    Vegagerðin lokar ákveðnum leiðum á vorin meðan frost er að fara úr vegum. Ef menn álpast inn á slíkar leiðir er sjálfsagt að sekta fyrir það.

    Aðalmálið er að auka fræðslu til ferðamanna um hálendið og bæta þannig umgengni.

    Hin leiðin væri að loka öllu landinu nema fyrir túristum í vernduðu umhverfi. Það er ekki leið sem mér finnst áhugaverð.

    Að lokum er hér rétt að birta fréttatilkynningu frá Ferðaklúbbnum 4×4 vegna fréttar í Morgunblaðinu:

  • Startup Iceland!

    Posted on May 12th, 2012 Þrándur No comments

    Áhugaverð ráðstefna í Ásbrú

    30. maí 2012 verður haldin áhugaverð ráðstefna um frumkvöðlaumhverfið í Ásbrú í Reykjanesbæ sem var áður þekkt sem Andrews Theatre.
    Startup Iceland
    Startup Iceland – Building Sustainable Startup Ecosystems is a conference first of its type in Iceland. Our mission is to learn, share and bring awareness to Entrepreneurship and Startup Culture. We are starting with Iceland. Are there best practices, methods and learning strategies that we could apply in our community here in Iceland? Are there examples of entrepreneurs who have solved this challenge, or tried and failed? How can we learn from this experience? We have a line of speakers who have walked this path and are sharing their experience.

    Hvetjum alla til að mæta og hlusta á áhugaverða fyrirlesara:

    Ólafur Ragnar Grimsson – Forseti Íslands
    Brad Feld – Partner Foundry Group
    Brad Burnham – Partner Union Square Ventures
    Rebeca Hwang – CEO youNoodle.com
    Hilmar Veigar Pétursson – CEO CCP Games
    Hilmar B. Janusson – EVP of R&D Ossur
    Isaac Kato – CFO, Verne Global
    Helga Valfells – MD, NSA
    Rebecca Kantar – Founder & CEO BrightCo
    Sarah Prevette – Founder & CEO Sprouter.com and BetaKit
    Nánar hér:
    Athugið að ráðstefnan er á ensku.