Svindl útsölur?

Svindl útsala?

Hjólaverslanir auglýsa nú grimmt “útsölur”. Þegar betur er að gáð virðist samt eitthvað skrítið vera í gangi.

Á myndinni er vinsælt hjól sem er auglýst á vef Everest á 44.995 krónur. Með auglýstum 30% afslætti á öllum hjólum ætti það því að kosta 31.496. En – viti menn – “útsöluverðið” er enn um 42.000 krónur og verðið virðist því fyrst hafa verið hækkað um 30% og síðan gefinn 30% afsláttur frá því verði!

Tær snilld – eða svindl?

Auðvitað segjast þeir vera búnir að hækka verðið fyrir löngu.

Það ber að nefna að aðrar hjólaverslanir virðast beita sömu aðferðum.

Ætli Dr. Gunni viti af þessu?

Stýrikerfi: Google eða Microsoft?

Undanfarin ár hefur sterkasta vígi Microsoft verið stýrikerfið Windows.

Nú hefur Google lýst yfir að þeir ætli að bjóða stýrikerfi fyrir einkatölvur. Stýrikerfið nefna þeir Google Chrome OS og vísa þar í Chrome vafrann sem náð hefur miklum vinsældum. Stýrikerfið verður þannig byggt á vafranum og fellur vel inn í alla flóru kerfa sem Google hefur verið að þróa og byggja á veftækni.

Það er augljóslega markmið Google að ráðast nú að höfuðvígi Microsoft með skýrari heildarsýn á framtíðina. Framtíð sem byggir á ódýrum aðgangi að Internetinu og sítengingu hvar og hvenær sem er. Og líka framtíð sem byggir á ódýrum og litlum tækjum sem hægt er að nota til að vafra um netheima og eiga samskipti við vini og samstarfsmenn.

Myndin er að skýrar og hvert sem litið er getur þú nú notað kerfi frá Google:

• Google Chrome til að vafra um netið á Windows, Linux eða Mac vélum
• YouTube til að skoða og deila myndböndum
• Picasa til að skoða og deila myndum
• GMail fyrir allan tölvupóst
• Google Reader til að fylgjast með fréttum og bloggi
• Google Docs fyrir ritvinnslu, töflureikni og kynningar

Að sjálfsögðu tengir Google líka framtíðarstýrikerfið við Google Friend Connect sem gerir það mun öflugra en Facebook, Twitter og önnur félagsnetverk.

Nú verður fróðlegt að sjá hvort og hvernig Microsoft ætlar að bregast við…

Hvað heldur þú?

Dansandi hugmynd?

Hvernig fer frumkvöðull að því að fá aðra til að fylkja sér á bak við hugmynd?

Jú – hann byrjar “hreyfingu”…

Í þessu myndbandi er frumkvöðullinn í fyrstu einn og einmana að dansa trylltan dans. Fljótlega bætist einn í viðbót við. Þegar sá þriðji kemur í hópinn verður SPRENGING – allir hópast að og taka þátt.

Þessir þrír fyrstu gegna mikilvægasta hlutverkinu. Fyrsti með því að sýna þolinmæði og halda áfram þó það geti verið vandræðalegt. Annar með því að sýna samstöðu. Sá þriðji gegnir greinilega því hlutverki að koma örðum til að sjá þetta sem hópathöfn sem gaman er að taka þátt í.

Myndbandið sýnir líka hvernig vírusar virka smitandi (ekki þessir líffræðilegu – heldur félagslegu).

Lærdómur: Haltu áfram að dansa!

N1 Start – Hugmyndafundur?

Þessi fyrsti hugmyndafundur N1 kom bara nokkuð vel út. Fyrst og fremst var hann góður til að byggja upp jákvæðni og bjartsýni á framtíð Íslands, sem veitir ekki af þessa dagana.

Hermann Guðmundsson forstjóri N1 fór vítt yfir sviðið og talaði um framtíðina og hvernig við þurfum sem þjóð að huga að menntun ungmenna og áherslum í atvinnuþróun. Ný störf verða helst til í öðrum greinum en sjávarútvegi. Hann ræddi líka um grunngildi eins og heiðarleika, sanngirni, virðingu o.fl.

How to Build a Vision for a Nation – and a Great Place to Work

Salem Samhoud er hollenskur frumköðull og hefur leitt vinnu við framtíðarstefnumótun fyrir Holland. Stjórnmálamenn koma ekki með hugmyndirnar. Vinnan skilaði hnitmiðuðum atriðalista sem margir geta sammælst um:

• Stefna (hvetjandi, skapandi þjóðfélag, opið og með þátttöku þegnanna, sameining um fjölbreytileika)
• Grunngildi (virðing, umhyggja, frelsi, ábyrgð, bjartsýni, frumkvæði)
• Hæfileikar og geta
• Mælanleg langtímamarkmið (þjóðarhamingja, 100% hrein orka, besta menntun, hýsa Ólympíuleika)

My 12 Secrets for Running a Life and Living a Business

Jeff Taylor er frumkvöðull sem kom m.a. Monster.com atvinnumiðlunarvefnum á fót (með 140 milljón skráðar ferilskrár). Jeff talaði um “árangur” og frumkvöðla. Þú byrjar einn en færð fleiri í lið með þér ef hugmyndin er góð og þér tekst að vinna henni fylgis. Hann talaði um “ótrúlegt bankahrun” sem getur verið bæði jákvætt og neikvætt.

Þú ert framkvæmdastjóri í þínu lífi. Fjögur atriði til að fylgja því eftir og skapa FAME:

• F – Free agent – frjáls í hugsun og framkvæmd
• A – Athlete training – þjálfa eins og íþróttamaður
• M – Marketing preparation – undirbúa markaðssetningu
• E – Entrepreneur – frumkvöðlahugsun

Vera ófeiminn að TALA og segja frá hugmynd sinni. Byggja upp vörumerki og síðast en ekki síst – gera hugmyndina smitandi (viral).

Guðjón Már Guðjónsson ráðuneytisstjóri Hugmyndaráðuneitisins tók síðan saman helstu atriði og sýndi myndband um hvernig “frumkvöðull” getur fengið hóp til að taka þátt.

N1 ætlar að halda áfram með þessa hugmynd og vonandi að fleiri stór fyrirtæki geri eitthvað svipað.

Á n1.is er hægt að fá meiri upplýsingar…

Hagfræðifyrirlestur – Áhugavert…

Kjallaragenginu var að berast upplýsingar um áhugaverðan fyrirlestur:

William K. Black: Why Economists Must Embrace the “F” Word (Fraud)?
Hefst: 11/05/2009 – 12:00
Lýkur: 11/05/2009 – 14:00
Staðsetning viðburðar:
Askja
Nánari staðsetning:
Stofa 132

William K. Black prófessor er frá University of Missouri.

William Black hefur ritað bók um rán á banka innanfrá „The Best Way to Rob a Bank is to Own One”.

Í fyrirlestrinum mun William Black fjalla um það að hagfræði hefur ekki tekið fjársvik alvarlega og skorturinn á skýrri hagfræðikenningu um fjársvik í rekstri fyrirtækja leiði af sér rangar spár og rangar niðurstöður um samhengi ýmissa stærða í hagfræði, að ekki sé talað um röng viðhorf og vinnubrögð, sem síðan geta af sér glæpi í efnahagslífinu og meðfylgjandi faraldra hvítflibbaglæpa og kreppur með reglulegu millibili.

Að loknum fyrirlestri Blacks mun Egill Helgason blaðamaður stjórna umræðum með frummælandanum, Gunnari Þ. Andersen forstjóra Fjármálaeftirlitsins og Ólafi Ísleifssyni lektor við Háskólann í Reykjavík í pallborði.

Allir velkomnir.

Aðgangur ókeypis.

Hvetjum alla sem áhuga hafa á að mæta…

Tilgangsleysi allra hluta…

…eða “Story of Stuff”

Saga “hluta” rakin frá auðlindum, framleiðslu, sölu, notkun og þar til þeir verða að úrgangi. Skýrir á myndrænan hátt hvernig allir þessir hlutir í kringum okkur hafa áhrif á samfélagið bæði nær og fjær og hvernig þetta er meira og minna hulið fyrir hinn venjulega neytanda.

Story of Stuff er rúmar 20 mínútur þar sem hratt er farið yfir en samt skyggnst undir yfirborð framleiðslu og neyslumynsturs.  Hér er sýnt fram á tengsl við umhverfisáhrif og þjóðfélagsleg áhrif. Gæti jafnvel kennt þér eitthvað eða komið til að brosa og hver veit nema þú lítir málin öðrum augum eftir en áður…

Gaman að sjá hvernig stóru fyrirtækin hafa stjórnmálamennina í vasanum – greinilega til í útlöndum líka

Hvað finnst þér?

VBS banki færir lán ríkis sem tekjur

Mér finnst þetta nú nærri grátlegt. VBS banki færir 9,4 milljarða af 26,4 milljarða króna láni ríkissjóðs til bankans sem tekjur í ársreikningi sínum fyrir 2008. Þetta staðfestir að þetta lán til bankans frá ríkissjóði hafi verið hrein gjöf til hluthafa bankans. Þessi gjöf var án skilyrða og ríkið fékk ekki nokkurt hlutafé í bankanum. Væri ekki betra að verja rétt heimilanna í stað þess að gefa nokkrum hluthöfum milljarða. Svar óskast Steingrímur J.

http://www.mbl.is/mm/frettir/innlent/2009/04/15/lan_rikis_faert_sem_tekjur/

Davíð Oddson, Lalli Johns og fjármálin

-Sendi ykkur flottar myndir af Davíð Oddsyni og Lalla Johns.

En þessum myndum fylgir saga.

Þannig var að Davíð Oddson var á gangi í miðbænum og hitti þar á förnum vegi Lalla Johns og tóku þeir tal saman eins og þeir eru vanir.

Áður en þeir kveðjast þá spyr Lalli Davíð hvort hann geti séð af 5oo krónum svona upp á kunningsskapinn og segir Davíð það ekki málið og fer í vasa sinn og dregur upp 5000 kr og réttir Lalla. Lalli varð hugsi stutta stund og segir svo ;

“Davíð minn, ekki skal mig undra þótt allt sé eins og það er í dag ef þú gerir ekki greinarmun á 500 kr og 5000 kr.”

Alheimsstríð lánardrottna

Dr. Michael Hudson skrifar athyglisverða grein í Fréttablaðið.  Þar bendir hann á að nú er í gangi alvarlegt efnahagslegt “stríð” þar sem lánardrottnar eru að soga allar eignir til sín með gríðarháum vöxtum. 

Með því að heimta okurvexti af skuldsettum fyrirtækjum, heimilum og ríkjum eru þessir aðilar settir í skuldafjötra.

Hann segir t.d. blákalt:

Bandaríkin eru skuldugasta þjóð heims og mun aldrei greiða erlendar skuldir sínar.”

Það sérstaklega íhugunarvert að lesa hvernig hann líkir ástandinu við stríð. Fjárhagslegi hernaðurinn er bara ekki eins sýnilegur. Afleiðingarnar geta hins vegar orðið afar alvarlegar:

• Styttri meðalaldur
• Færri fæðingar
• Vinnuafl flýr úr  landi
• Hækkuð sjálfsmorðstíðni
• Sjúkdómar og fleira

Verst er að þeir sem fara úr landi eru oft fólk á verðmætasta aldrinum 25-40 ára.

Eftir stendur spurningin til íslenskra stjórnmálamanna (og kollega þeirra í öðrum löndum):

Munu stjórnvöld standa vörð um hag íslenskra heimila eða hneppa þjóðina í skuldafangelsi?

Hver velur hver fær að lifa og hver deyja

Það er nú eitthvað bogið við að fella spron. Erlendir kröfuhafar voru búnir að lýsa sig tilbúna til að gefa eftir 21 prósent af heildarskuldum félagsins og framlengja lán. Þá hafa þeir reynt að setja sig í samband við ráðamenn á íslandi til að koma að lausn vandamálsins. Þessir misvitru stjórnmálamenn hafa ekki svarað þeim hvað þá fundað með þeim. Veit ekki hvort að spron hefði átt að standa eða falla finnst bara einkennilegt að það var búið að veita þessum aðilum frest út apríl og að þessir aðilar meta stöðuna svo að hægt hefði verið að bjarga bankanum. Ég vil taka það fram að ég treysti betur sérfræðingum frá deutche bank og fleiri stórbönkum en íslenskum aðilum. Það sem á undan er gengið veldur því að eftirlitsaðilar á íslandi eru rúnir öllu trausti. Þá trúi ég því mátulega að nýi seðlabankastjóri hafi verið búinn að kynna sér málin nægjanlega vel. Ég á alveg von á því að þessi hroki verði til þess að fella krónuna hressilega. Finnst það almenn kurteisi að ræða við þá aðila sem hafa verið að gefa út krónubréf á íslandi og þá aðila sem eiga fullt í handraðanum sem þeir geta skipt þegar höftum afléttir. Mann skulu jafnframt hafa í huga að frammundann gæti verið tímabil með lausafjárskorti og háum vöxtum, þar sem þjóðir heims hafa verið að henda milljörðum inn í bankakerfið og almennt inn í þjóðfélagið. Þessa miljarða þarf að fjármagna og það verður ekki gert nema með hærri sköttum eða útgáfu skuldabréfa. Ríki heims sem nú í langan tíma hafa ekki gert annað enn að græða á ofursukkinu þurfa nú að fara að keppa um fjármagn á markaði. Í þessu sambandi má nefna efst á blaði Bandaríkin með alla sína milljarða en flestar aðrar þjóðir vestur Evrópu hafa verið að reyna að örva hjól efnahagslífsins. Að öllu jöfnu leiðir þetta að lokum til hærri vaxta.

Mér skilst að skuldir Spron hafi verið 80 milljarðar (held að ég muni þetta rétt) og að kröfuhafar hafi verið tilbúnir að gefa eftir 21 prósent og jafnvel meira. Mér finnst skrítið að ekki hafi verið hægt að bjarga bankanum með þessum 21 prósent niðurfellingu og 20 prósent aðkomu ríkisins. Starfsmenn bankans voru vel á þriðja hundrað. Í þessu ljósi er vert að nefna að ríkið ákvað að lána VBS og Saga Capital 42 milljarða á 2 prósent vöxtum og það án þess að taka nokkurn hlut í félaginu. Þessir vextir eru í raun gjöf stjórnvalda til félaganna. Þess má geta að starfsmenn í báðum félögum eru 74. Eitthvað er úldið á íslandi þrátt fyrir nýja bossa.